Samsung Galaxy S25 Ultra දුරකතනයේ තොරතුරු අන්තර්ජාලය වෙත ලීක් ව තිබෙනවා. මේ තොරතුරු අනුව, මෙම උපාංගය සැම්සුන්ග් පාරිභෝගිකයින්ගේ අපේක්ෂාවන් ඉහළට ඔසවා තබන බව නම් පැහැදිලියි.
පසුගිය දිනවල dbrand සමාගම විසින් හෙළිකර ඇති තොරතුරු අනුව, Galaxy S25 Ultra හි බාහිර පෙනුම තරමක් වෙනස් විය හැකි අතර, මෙතෙක් දකින්නට ලැබුණා ට වඩා Curved corners සහිත පෙනුමක් ඒ වෙත ලැබෙනු ඇතැයි විශ්වාස කෙරෙනවා.
මෙම වෙනස හුදෙක් අලංකාරය සඳහා පමණක් නොව, දුරකථනයේ අභ්‍යන්තර දෘඩාංග වෙත අවශ්‍ය ඉඩකඩ වැඩි කර ගැනීම සඳහාද යොදාගෙන ඇති බව පැහැදිලියි.
කැමරා පද්ධතිය ගැන නම් විවිධාකාර ආරංචි කිහිපයක් ම අන්තර්ජාලයේ සැරිසරනවා. එකකට අනුව Galaxy S25 Ultra එහි ප්‍රධාන කැමරාව තවමත් පෙර පරම්පරාවේ තිබූ 200MP Isocell HP2 සංවේදකයම භාවිතා කරන බව වාර්තා වෙනවා.